အိုးလ်ထရက်ဖို့ဒ်မှာ လာရှုပ်လို့ မရကြောင်း ပြသခဲ့တဲ့ ပွဲမှ Manchester United အသင်းသားတွေရဲ့ စွမ်းဆောင်ရည် သုံးသပ်ချက်

Premier League Super club Manchester United အသင်းဟာ ယနေ့ နံနက် ယူရိုပါလိဂ် 32 သင််း အဆင့် ရှုံးထွက် ပွဲစဥ် ဒုတိယ အကျော့ကို အိုးလ်ထရပ်ဖို့ဒ်မှာ လာလီဂါ နံပါတ် တစ် ဘာစီလိုနာ အသင််းကို

ဧည့်ခံ ကစားခဲ့ပြီး 2-1 ရလဒ် နဲ့ အနိုင်ရခဲ့ပါတယ်၊ ဒီပွဲမှာ ဘာစီလိုနာမှ အဓိက တိုက်စစ်မှူး လီဝန် ဒေါစကီး က ပွဲချိန် 18 မိနစ် မှာ ပင်နယ်တီ သွင်းဂိုး ရယူပြီး ဦးဆောင်ခဲ့ပါတယ်၊ ဒါပေမယ့် ဒုတိယပိုင်းမှာ Manchester United က

အကောင်းဆုံး ပြန်လာနိုင်ခဲ့ပြီး ဖရက်ဒ်၊ အန်တိုနီ တို့ သွင်း ဂိုးတွေနဲ့ အနိုင် ရယူခဲ့ကြပါတယ်၊ ဒီရလဒ်ကြောင့် Manchester United ဟာ နှစ်ကျော့ပေါင််း 4-3 နဲ့ ယူရို ပါလိဂ် 16 သင်းအဆင့်ကို တက်ရောက်ခဲ့ပါပြီ။

ဒါ့အပြင်် အိမ်ကွင်းမှာ လိဒ်စ် အသင်းက လွဲရင် 16 ပွဲ ဆက် 15 ပွဲနိုင် မှတ်တမ်းကိုလည်း ပိုင်ဆိုင်ခဲ့ပါတယ်၊အိုးလ်ထရပ်ဖို့ဒ်မှာ လာရှုပ်လို့ မရကြောင်း ပြသခဲ့ကြတဲ့ ပွဲစဥ်မှာ ဘယ်သူတွေ ကောင်းပြီး ဘယ်သူတွေ ညံ့ခဲ့ကြ သလဲ ဖော်ပြပေးလိုက်ပါတယ်။

ဒီဂီယာ 6 ပင်နယ်တီ ကို မိမိရရ ပုတ်ထုတ် ကာကွယ်နိုင်ခဲ့ သင့်ပါတယ်၊ ပေါ့ဆတဲ့ ပေးပို့မှု တစ်ကြိမ် လုပ်ခဲ့ပြီး ကတ်စမဲရိုးကြောင့် သက်သာရာ ရခဲ့ပြီး ဒါက လွဲရင် ကောင်းမွန်တဲ့ ကာကွယ်မှု အချို့ ပြသခဲ့ပါတယ်။

ဝမ် ဘစ်ဆာကာ 7 တိုက်စစ်မှာရော ခံစစ်မှာပါ ကစားပုံ ကောင်းမွန်ခဲ့ပြီး အန်တိုနီနဲ့ အတွဲ အဖက် ညီညီ ကစား နိုင်ခဲ့ပါတယ်၊ ပွဲထွက်ခွင့်နဲ့ ထိုက်တန်ကြောင် ပြသခဲ့ပါတယ်။

ဗာရန်း 8 အသင်းရဲ့ ကစားပုံ သိပ်မကောင်းတဲ့ ပထမပိုင်းမှာ တည်ငြိမ်တဲ့ ကစားဟန် ပြခဲ့ပြီး ပြိုင်ဘက် တိုက််စစ်ကို အကောင်းဆုံး ခုခံနိုင်ခဲ့ပါတယ်၊ ပွဲပြီး အောင််ပွဲ ခံခဲ့ပုံက ပရိသတ်တွေရဲ့ ရင်ကို ထိစေခဲ့ပါတယ်။

မာတီနက်ဇ် 7 ခံစစ် ကစားပုံ မာကျောခဲ့ပြီး ပထမပိုင်း အနည်းငယ်် အခက်တွေ့ခဲ့ ရပေမယ့် ဒုတိယပိုင်း ပိုကောင်းပြခဲ့ပြီး နေရာလွတ် များစွာ ရရှိစေခဲ့ပါတယ်။

လုခ်ရှော 7 ပထမပိုင်း အတွင်း ဂိုးပေါက် ခြိမ်းခြောက်ဖို့ ကြိုးစားခဲ့တာက လွဲရင် သိပ်မထူးကဲခဲ့ပါဘူး၊ ဒုတိယပိုင်း ပိုကောင််းခဲ့ပြီး အသင်းရဲ့ သွင်းဂိုးနဲ့ ပါဝင် ပတ်သက် နိုင်ခဲ့ပါတယ်။

ကတ်စမဲရို 8 ဘရူနို ဖာနန်ဒက်စ် အတွက် အခွင့်အရေး ဖန်တီးနိုင်ခဲ့ သလို အဖိုးတန်် ပိတ်ဆို့မှု နှစ်ကြိမ်ကိုလည်း လုပ်ဆောင် နိုင်ခဲ့ပါတယ်၊ သူ့ရဲ့ အတွေ့အကြုံနဲ့ သမ္ဘာက အသင်း အတွက် အကျိုး ဖြစ်စေခဲ့ပါတယ်။

ဖရက်ဒ် 8 အနားမှာ ကတ်စမဲရိုး ရှိနေမှ ပြည့်စုံနေတတ်တဲ့ ကွင်းလယ်လူက ဒီပွဲမှာ အကောင်းဆုံး စွမ်းဆောင်ရည်ကို ပြသနိုင်ခဲ့ပြီး ခြေပဂိုး ဖန်တီးပေး ခဲ့သလို ပြိုင်ဘက်ကို လွန်စွာ ဖိိအားပေး ကစား နိုင်ခဲ့ပါတယ်။

ဘရူနို 6 အစောပိုင်း မိနစ်မှာ ဂိုးသွင်းယူ နိုင်ခဲ့သင့်ပြီး ပြိုင််ဘက်ရဲ့ ပစ်မှတ်ထား ကစားခြင်းကို ခံခဲ့ရကာ အကောင််းဆုံး ခြေစွမ်း ပြဖို့ အခက်တွေ့ခဲ့ ရပါတယ်။

ဆန်ချို 5 ပွဲထွက်ခွင့် ရသင့်ပြီ ဆိုတဲ့ မှတ်ချက် ပေးမှုတွေအောက်မှာ ပွဲထွက်ခွင့် ရရှိခဲ့ပေမယ့် ထူးကဲတဲ့ စွမ်းဆောင်ရည်မျိုး ဒီပွဲစဉ်မှာ မပြသ နိုင်ခဲ့ပါဘူး။ လူစားဝင် ကစားတာပဲ ပို ကောင်းတယ်လို့ ယူဆရပါတယ်။

ရပ်ရှ်ဖို့ 6 ပွဲတိုင်းကျော် တိုက်စစ်မှူးဟာ ဘရူနို နည်းတူ ပြိုင်ဘက် အသင်းရဲ့ ပစ်မှတ်ထား ကစားခြင်းကို ခံခဲ့ရပါတယ်၊ ပြိုင်ဘက် ခံစစ်ကို အလုပ်များ စေခဲ့ပါတယ်။

ဝဂ်ဟော့စ် 4 အညံ့ဆုံး ကစားသမား ဖြစ်ခဲ့ပါတယ်၊ ကာယပိုင်း အသားပေးပြီး အစောပိုင်း မိနစ်မှာ ကောင်းပြနိုင်ခဲ့ ပါသေးတယ်၊ ဒါပေမယ့် စွမ်းဆောင်ရည် မထူးကဲတဲ့ အတွက်် ဒုတိယပိုင်းမှာ လူစားလဲ ခံခဲ့ရပါတယ်။ လူစားဝင်ကစားသမားမျာ- အန်တိုနီ 8၊ ဂါနာချို 6၊ ဒါလော့ 6၊ တွမ်မီနေး 6 တို့ပဲ ဖြစ်ပါတယ်။

credit